15 أغسطس 2007

هرقص ويا الرملة




كنت بتمشى بين المدونات شوية وقفت قدام اللوحة ديه عند مدونة زهر اللوز وبشكرها لأني فعلا كنت مخنوقة جدا لكنها حسستني بمتعة خففت من بعض الخانقة


هيا مش لوحة عادية لوحة متحركة من الرمل خلتني في حالة من نوع خاص

لما تشوف موهبة وتعيش معاها لدرجة تتخيلك عند البحر وحاسس إنك في حضنه واقف تحلم .. إنت لوحدك والرمل بيتشكل على أحلامك كل ما تحلم يتشكل من الحلم .. الحلم اللي بعديه

إحساس كأنك بترقص وسط أحلامك بريشة

واقف في نص العالم وأحلامك بتلف حواليك

بتحس كل المشاعر في لحظة حزن ، بكاء ، فرح ، بسمة لمجرد إن أحلامك بتتشكل في كل حركة

حسيت إني واقفة ف عرض بالية حلمي هوا ألمي وفرحي وحزني ووجعي اللي بيحركني بكل شعور شكل

إحساس مش عارفه أوصفه بكام حرف لأن الإحساس اللي كنت عايشاه مع اللوحة أكبر من إن حروف توصفه

....

وفي أخر التسجيل كنت عايزة أقول لصاحب الموهبة شكرا

شكرا بحجم رقصي بين أحلامي
حتى لو مش هتتحقق

وحتى لو مش ليا

وحتى لو إنها الشيء الأكثر اللي بيألمني حاليا


..


فشكرا وأكثر



......


...

هناك 14 تعليقًا:

  1. يا هاي
    هههههههههههه
    انتي كمان بتفرحي بالحاجات دي
    أنا مريت بنفس الموقف على فكرة من فترة ده اسمه فن الرمال ( sand art ) كانوا زمان بيجيبوا حاجات منه و كنت بأتابعه بشغف و أنا صغير كان بيبهرني جدا
    افتكر هتنبسطي بده sand art

    بوست لذيذ

    ردحذف
  2. جميل ان حاجه صغيرة تفرحنا
    بس الاجمل ان حاجة مهما كانت كبيرة
    متزعلناش
    ومتكسرناش
    مستنى رجوعك اقوى من الاول
    وانا عارف انك قدها

    ردحذف
  3. تعرفى يا شمس
    من حوالى شهر دخلت مدونه أحدهم
    وشاهدت هذا الفيلم
    وأخذنى معه بعيدا
    ومن يومين فقط جائنى حنين ان أراه ثانيه
    ولاكنى وقتها علمت أننى لن اراه لأنى لم أتذكر أين شاهدته ولم أتذكر فى أى مدونه
    وفات يومين فقط
    لتحقيقي لى رغبه كنت أريد تحقيقها
    يا لكى من ملأكيه

    ردحذف
  4. (الرمل بيتشكل على احلامك)

    يخرب عقلك

    دا بجد

    تسمحى لى استعير التعبير ده وادخله فى قصيدة ليا؟

    يارب تكونى سعيدة على طول

    على فكرة
    شكرا على المتعة اللى وصلتنى من التعبير ده
    ( الرمل بيتشكل على احلامك)

    تحياتى

    ردحذف
  5. مادو

    يعني حاجة تفرح في حياتنا

    ولو بسيطة أحسن ما حياتنا
    ماليها التفاريح ع الآخر

    وشكرا على الرابط الممتع جدا

    بجد

    ردحذف
  6. horas

    عندك حق
    الشيء الصغير الجميل ساعات بيكبر بجماله ف عنينا

    لكن الشيء لما يكون اصلا في عنينا محزن

    بيكبر بحزنه اللي فينا
    كيانا كله بيشتكي منه

    فبيكسر أحيانا

    بس الحمد الله لسه موصلناش للوقوع

    اتمنى أكون قد حاجات كتير مش عارفه اعملها وحاجات بفقد الثقة فيها جوا دايرتي

    تحياتي لك جدا

    ردحذف
  7. في القلب

    بعد حاجات كتيرة كده
    عايزة اقولهالك ومش عارفة
    زي ان ردك حسسني ببسمة رضا بجد اني اسعدتك
    لقيت في آخر الرد
    بقول ملائكية ؟!!!!!!!!!!ـ

    يمكن في اللوحة واللي مصرة اسميها لوحة
    حسيت إن ممكن نحلم نكون أطفال الجنة لأنها اديتني احساس بعالم جوايا مش راضي يجي

    إلا في حلم
    فبنتمنى الطفولة كهروب

    شكرا لك واتمنى يكون جوايا ربع ملائكي

    ولو إني أشك
    تحياتي ياجميلة الحضور

    ردحذف
  8. عين ضيقة

    لأ دا واقعي

    هوا مخروب أصلا ههههه

    تستعيري ؟! يابنتي خدي خدي

    أهه نقول في يوم كتبنا حرف ليه قيمة

    بس نحتفظ بحقوق الاقتباس

    يعني لو ينفع عليا مية جنيه مادفعوش ههههههه

    ويارب يسعدنا جميعا
    بس على طول ده كده اشك إني أنا أنا
    اصلي ممن صعب مقاييس السعادة عندهم بس بنرضى

    وعلى فكرة
    انتي سبب ضحكة من قلبي

    تسلمي

    ردحذف
  9. حبيبة قلبي..

    تعرفي
    حسيت وانا لاتفرج بردو ع "اللوحة" انه حد محظوظ أوي اللي بيرسم ده
    بيكتب بإيده اللي هو عايزه
    وبيعرف اوي
    اوي يمسحه بشكل أسهل بمجرد الزهق !
    أد ايه الدنيا سهلة ف ايده يا صاحبتي

    وحشتيني على فكرة جدا!

    ردحذف
  10. ..جميل ان تاخذنا لوحه صغيره لعالم اخر فهذا قمة الابداع لصاحب اللوحه وقمة الخيال لمن تأملها بهذه الدرجه

    مدونتك كتير حلوووه

    سلامى لكى

    ردحذف
  11. I love it soo much :)


    Thanks & always waiting for
    a new ideas :)

    ردحذف
  12. رنرن

    شوحااااااني

    وكلنا محظوظون لو عرفنا اتجاهتنا صح
    اللي بيرسم زي اللي بيكتب

    مبتتمحيش الأشياء جواه مادامت محفوظة صور وحروف جوا منه

    يمكن احنا بنشوف الوجه الواضح قدامنا بس

    حياتنا عايزة استيكة قلم جاف بحجم الهرم الأكبر تشيل الخدوش والجروح
    وحبر قوي ببصلة نعيد بيه الخط صح

    ومنوراني على فكرة جوداااااا

    ردحذف
  13. osama

    شكرا لك جدا
    ومرورك أحلى من مدونتي
    وياريت مايكنش الأخير

    سلامي لك أكثر

    ردحذف
  14. hamdool

    شكرا لك

    وإن شاء الله يكون فيه أفكار جديدة
    طالما فيه ابداع على الأرض

    تحياتي

    ردحذف