ياعيني ديه أخرتها ياست نجاة دوارين في الشوارع ودوارين في الحارات .. ويا شباكـ كليتنا اللي قالي بلا فخر ( شلتي مادة في نتيجة السنة الاخيرة دبلومة دراسات عليا ... اهئ )
ساعات ببقى عايزه اثور بشدة ، طبيعتي في الكبت خلتني بمارس بعض طقوس الثورة بهدوء مستفز علشان محدش يحس
طب أنا في حالة غضب بجد
" ايه يعني "
وصحيح - شو بيبقى - خلينا في الست فيروز أوقع
" شو بيبقى من الرواية ، شو بيبقى من الشجر ، شو بيبقى من الشوارع ، شو بيبقى من السهر ، شو بيبقى من الليل من الحب من الحكي ، من الضحك من البكي ، شو بيبقى شو بيبقى شو بيبقى يا حبيبي ، بيبقى قصص صغيرة عم بتشردها الريح "
....
وخارج عن إني نتيجتي طلعت من يومين وشيلت مادة عظيمة لدكتور أعظم - ياسلام كده - ، وإني مخلله في بيتنا حيث أخر مرة شفت فيها الحياة كانت السبت وده شيء شنيع ، وإني كارهه النت ومبدخلوش كتير برده من ساعتها ، وإني في مرحلة قلق ، وإن بابا سافر ، وإني مفروض عليا اعمل مشوار مخنوقه منه بعد يومين ... يااااه الحياة تشكح بشكل
امممم بس فيه شيء أهم إني رجعت من أسبوع اقرأ بفائض رغما عن أنف الخبر والكتابة رجعتلها برده رغم إني في مرحلة مهسهة بحرق الكتابات اللي محافظة عليها من سنتين على غير عادة طبعا للي يعرفني ... يعني حاسه إني واقفه في مرحلة مش مقتنعه بيها منها
المهم ... وعلشان مش ناوية اسيب البوست باللخبطة ديه ، فأنا بهديكم بشيء مثل رماد السيجاره خارج عن المود لكن مروقاني ساعة قريفه :
بس ادعولي بقى علشان سيادتي على ربع سلم
.....
اول ما شفت العنوان و قبل ما اقرأ البوست ..بلّشت أغني شو بيبقى من الرواية ..بس ما توقعت ابدا تنهيها بـ يا ستي يا ختيارة يا زينة كل الحارة ..
ردحذفصباح الخير
حساكى أوى
ردحذفوربنا بدعيلك أووووووووووى
ــــــــــــــــــــــــــــ
بحبك على فكرة
ربنا معاكى يا حبيبة ويوفقك للى فية الخير يارب
ردحذفاختيارك لعنوان البوست هايل جدا
حنا السكران
ردحذفامممم عادي انا في حالة الغضب ببقى متناقضه جدا :)
معلش بقى حظك اول زيارة تكون كده
واتمنى ألا تكون الأخيرة
صباح الضوء
....
عين ضيقة
وأنا بدعيلك برده ياسمسم
وقُبّلة لعيونك على فكرة
....
سهر
ويوفقك اكتر ياجميلة
وانت اروع وبسعد بوجودك دوما
....