15 يناير 2008

أنــا فـ ـزعـانه

ـ .... ـ
كانت الفصول معي ذات إنسانياتٍ بحتة التفاعل ، تختلف في العطايا وتتفق على حسها اللغوي مع الجميع .... تُرى أتخالف ؟! ؛

كنت ابتدأ بربيعٍ هادئٍ .. ذات إضاءةٍ سكانة .. حليمة المرور ، لم نتفاعل إلا كزميلين تجمعهما مرحلةً شعورية وزمنية تفرض عليهم التلازم باحترام .. هي مرحلة النقاهة ، وهو فصل العدوى وتسرسبات الهوى ، قبل الدخول في مرحلة انصهار الجرح بالصيف

الصيف ... ذاك الحار ، محرق النقاء ، لم يكن أبيضه صافيا دون أن تبهته أبخرة الجرح .. صادما بقدر غليانه ، كان قادرا على وشمي بالوجع قبل انتهائه
.
لِمَ ؟ يُمهدني للحياة ويسلبها في لحظةٍ بركانية التغافل بفقد ؛

لم أحبك فاعذرني .. ! ـ

دوما انتظرك ياالخريف أنت عالم الطيبة الملائمة للتجدد ، كانوا يعاتبونني بمحض تعجبٍ على ثقتي بكَ لا يعلمون مدى طيبتك ولا يعرفون لِمَ اقتناعي الفائق اليقين بهذا ؟!
.
أجزم إنه فصل الاعتدال الموفق لو لم يكن معتدلا لما كان طيبا ، لم يحرمني من متعة التجدد رغم امتلائي بالتباهت ، كان قادرا على استمراري بالتفاقد والاكتساب المقابل ، كنت أحب مفاجأته المتساقطة المنح
كل من عرفتهم ومازلت ، كانت علاقتهم خريفية التقاطع ... مسرفة التعجب ... دائمة الترابط
بعكس هؤلاء أصحاب التقاطع الصيفي .. متبخرين دائما ، أدرك أنهم سيتلاشون في تعثرٍ مبهم العلم ، سريع الحتف

هل ستخالفني الطقوس ؟ ـ


هو الخريف دائماً ... أكسبتني ها العام وأفقدتني أكثر ، وأحتاج أكثر من صمتك المهاجر في خلايا الحواس لم تكن صاخبا لكنك أودعتني فقدا أفاق قدرتي للتحمل
.
هل كان فقدا ... ؟ ! ... وهل كان خيرا ؟ ـ
هل ستكون مصافحا جيدا للشتاء ليعدل المعادلة
.
هما الخريف والشتاء متصافحان تماماً للحواس ؛
الخريف يُفرغنا من امتلائنا بتباهتات الحواس مستعيناً بكبرياء الصمود لبعضها ... ليُسلمنا لشتاءٍ فائض الحواس ، يُجبرنا للتنحي عن الإنصهار ، والتساوي ... في محاولةٍ للتجمد بإنسانية الرغبة في الدفء ؛
.
أين الدفء ؟! ـ
ذاك البعيد ، وتلك الـ تبتعد ، وهؤلاء الـلا يسألن ، لونك فاترا بوجع ياالشتاء ... رياحك تحملهم للبعيد
ـ لا تهملني لا تنساني ... ما إلي غيرك .. لا تنساني ، بلدي صارت منفى .. طرقاتي غطاها الشوك والأعشاب البرية ، ابعتلي بها الليل من عندك حدا يطلّ عليّْ .. يطلّ عليّْ .. يطلّ عليّْ * ـ
.
تُرى متى أخر مرةٍ ذكرونا .. وهل ذكرونا حقا .. أم كأخر مرةٍ ظهروا بغياب نسونا دونما اهتمام ؟! ـ
لا يهم ... لا يهم
..
ـ ....... أنا الآن مشوهةً بفقد
- - - -
ـ ليه ترسمي الكون الوسيع صندوق ورق
استسلمي و احلمي بكون جديد و مختلف
و اللّي نلاقيه هوّ المهم..
و أي شيء بنخسره ماهوش مهم * ـ
. . . . . .


اللوحة للفنان العراقي : جبر علوان
* فيروز
* علي الحجار

هناك 13 تعليقًا:

  1. مش عارف اعلق متلخبط جدا من زحام فى دماغى و زحام فى البوست بس مستمتع مع غنى على الحجار من زمان مسمعتش الاغانى دى
    حبيت بس اسلم ازيك يا نهى

    ردحذف
  2. حلو جدا رغم انى حاسة بمليون احساس

    بس على فكرة انا مش بحب الشتا
    دايما قاسى

    انا الآن مشوهة بفقد
    مممممممممممم

    جميل يانهى الحالة والكلام كله كله

    ــــــــــــــــــــ
    انا كنت بمتحن وكويسة الحمد لله
    تسلمى ويسلم سؤالك عليا
    انا خلصت الحمد لله

    ووحشتينى والله

    ردحذف
  3. أولا عايز بس أشكرك كتير جدا علي البلوج بتاعك لانه من اليلوجات اللي بتمتعني بجد ..ومتفكريش اني من الناس اللي بتدخل تجامل وخلاص ..انا الحقيقة من الناس اللي مبتعرفش تجامل ..لكن استمتاعي ببلوجك ده شئ حقيقي ناتج عن بعض شغلك اللي بيعجبني ولينكاتك المتميزة اللي انت عاملاها لينك سيد درويش وعلي الحجار ومحمود درويش ..الخ
    ده زائد الخلفية السمرا للمدوته اللي بتحسسني بالانس عموما في اي مدونه ادخلها..بحس بالتناغم بين جو المدونه والجو الغامق اللي احنا مخنوقين منه في الواقع

    بشكرك مرة تانية وتعليقي ع البوست هيكون في التعليق اللي جاي..اسف ع الاطالة

    ردحذف
  4. بداية النص كانت بداية موفقة جدا..اظهرت تفاعل ذاتي مع الفصول وده كان محسوس جدا خاصة لدمجك بين المطلع الخبري للنص ونهاية المقطع بالسؤال الانشائي تري اتخالف؟
    ترتيبك للفصول بداية من الربيع ومرورا بالصيف..شئ جيد كان بيشي بتصاعد الازمة معي كقارئ..
    لكن فصل الصيف سببلي ازمة كبيرة يمكن لتعبيراته اللي حسيت فيها بالصوت العالي شوية(بركانية..غليان..صادما..الخ)
    نقطة كمان معجبتنيش وهي محاولة استخدامك /التشابه بين واقع الصيف وحرارته واستخدامه لصالح حالتك المعنوية الناتجه عن الفقد..حسيت انه ماتعملش صح

    علي العكس تماما بقي ف اعلي نقطة فنية تحسب للنص وهي مخالفتك لنواميس الكون عموما ونظرة الناس لفصل الخريف
    ده حسسني بخصوصية الازمه والنظرة ده زائد اصلا ان دي مكمن روعة الكتابة ..الزاوية المختلفة للرؤية ومخالفة كل ما هو مألوف
    أجزم إنه فصل الاعتدال الموفق لو لم يكن معتدلا لما كان طيبا
    ياام الروعة..انا بجزم معاكي علي فكرة

    اما عن الشتا ..فاد ايه حبي الشخصي للشتا خلاني اتفاعل جدا معاكي..واحس بالتجمد والالتصاق للبحث عن الفء
    وخلاني اردد مع ستنا علي طول(شتي يادني تا يزيد موسمنا ويحلي..تدفق مية وزرع جديد بحقلتنا يعلي)

    اما الازمة الحقيقيه للنص في احتياجنا الشديد للبعيدين عنا وحلك ليها ف جملة
    .(تُرى متى أخر مرةٍ ذكرونا .. وهل ذكرونا حقا .. أم كأخر مرةٍ ظهروا بغياب نسونا دونما اهتمام ؟! ـلا يهم ... لا يهم)
    فاري انها ازمة الجميع وحلك لا ينم سوي عن ضعف واحتياج انساني رهيب مغلف بكبرياء زائف

    ياله من سيناريو بشع ومتكرر..وتبا للفقد والوجع

    ردحذف
  5. اممممم كائن العزلة وعين ضيقة
    هيا الزحمة جت ليكم مني ولا انتوا جايين بيها :)

    ...

    كائن العزلة

    ياأهلين يافندم وأنا الحمد الله عايشة
    وسعيدة جدا إن علي الحجار أمتعك فهو يستاهل جدا
    واسفة ع الزحمة ونورتني ، بس صحيح مدونتك بتشتكي من هجرها

    ......

    عين ضيقة

    ازيك ياسماسم شوحاني جدا
    وبالنسبة للمليون احساس يمكن لاني فعلا كنت بكتبه وانا جوايا مليون احساس بكوليكشن وجع ومازال الوضع قائم على ما هو عليه بس الزيادة التساؤل؟

    وانا بعشق الخريف والشتا يمكن قسوته انسانية في حد ذاتها ساعة المطر

    وبالنسبة لـ مممممم،أكيد

    ونوري هنا كتير ياجميلة ومبروك العودة

    ردحذف
  6. سيزيف

    أول حاجة احب اقولهالك قبل ما اقرا ردك كنت مخنوقة جدا ، بعديها لقيت نفسي ببتسم بجد وده نادر اني ابتسم حقيقي بابتسم بس لمسايرة الحياة ، فشكرا ليك
    وأنا السعيدة جدا باهتمامك بتصفح مدونتي وبشكرك اكتر على ردك ، تعرف هيفدني في حاجة بكتبها وده اللي يهمني :) ، وياسيدي طول الرد مو بفلوس هنيه

    ....

    نيجي لباقي الرد

    بالنسبة للصيف أنا متفقة هيا متعملتش صح يمكن لاني فعلا معرفتش اوصل نقطة معينة بتدور حول الصيف وهي ـ لِمَ ؟ يُمهدني للحياة ويسلبها في لحظةٍ بركانية التغافل بفقد ـ

    و

    ـ لم أحبك فاعذرني .. ! ـ

    بمعنى إني مثلا مقلتش إني اكرهك بدل ما قلت لم احبك فاعذرني
    للتوضيح اكتر مع اني مبفضلهوش اني تعاملت مع كل فصل كرفيق لابد المرور به فمهما كانت شخصيته هتلف الايام وهتعامل معاه والصيف صاحب يمكن عيبه انه واضح اي صريح زائد عن المطلوب ، الصيف بيمهدك لشيء بشكل واضح وبعد فترة بيقولك لأ ده عيبه كده
    فيوقعك في التيه بين الرغبة واللاممكن
    يعني معندهوش وسط :)
    فبالتالي صوته لازم يكون عالي اي خالي من الشوائب ، فهو صاحب مبتنسالهوش صراحته فبتتاخد منه
    بس تعرف هحاول اتعامل مع نقطة الصيف ديه تاني بشكل اكثر

    وبالنسبة للخريف فلازم تتفق يافندم ده فصل ليه روحانيات عالية وبعدين ده فصل سوتنا على رايك فيروز هانم :)

    والشتا يكفيه أنشودة المطر علشان ابتسمله ولو موجوعه وباغنيته المفضلة شتي يادني

    الأزمة بقى امممممم رغم كبرنا اتفق معك مازلنا نحتاج لهم ، بس هل هم بيسالوا او نهمهم ،
    يبقى الحل الى حين ميسرة انه لا يهم


    وصحيح عن جود نورتنا ابقى تعالى كتير هههه

    ردحذف
  7. انا للاسف لم اقرأ البوست لكن اسم المدونه شدنى جدا
    وعجبتنى شمس الليل
    ربنا يوفغك

    ردحذف
  8. خيمة النهر مهدمة
    آخر أصابع أورافق الأشجار تتشبث قليلا ، ثم تهوي منغرسة في الشط البليل
    الريح تعبر الأرض السمراء دون أن يسمع لها صوت
    الحوريات تفرقن
    " أيا نهر التيمز الحلو فلتجر في رقة ريثما أنهي أغنيتي "
    النهر لا يحمل زجاجات فارغة ، أو أوراق شطائر
    مناديل حريرية .. صناديق كرتون .. أعقاب سجائر ..
    أو أي من شواهد أمسيات الصيف
    الحوريات تفرقن
    و رفاقهن المتسكعون من أبناء أثرياء المدينة
    رحلوا .. ولم يتركوا عناوينا
    و بالقرب من مياه ليمان .. جلست ، و بكيت
    "أيا نهر التيمز الحلو فلتجر في رقة ريثما أنهي أغنيتي"
    "أيا نهر التيمز الحلو فلتجر في رقة فلن يرتفع صوتي و لن يطول حديثي"


    ده أليوت في الأرض الخراب لما حب يتكلم عن دخول الخريف

    أنا مع أني ماجيتش هنا من زمان ، بس أنا مش ناوي أجامل .. بصراحة أنا عندي مشكلة كبيرة مع لغة النص
    أنا شايف أن النص على المستوى الفكري و الشعوري بيقول كتير .. بس بجد لغة النص ضرتني جدا في أكتر من مكان

    بداية ً- و مع أني ما باحبش أعقد القارئ - بس أنا معنديش مشكلة أن الكاتب يستخدم مساحات جديدة من اللغة و لو حتى كانت أصعب ، بس بشرط أن أمكانياته اللغوية تكون بتسمحله بده يا نهى .. بمعنى أن قدراته في النحو و الصرف و الاشتقاق تكون عالية حتى لو ما كانتش من خلال الدراسة فتكون من خلال القرايات العميقة للتراث . بصراحة أنتي بلغة النص ده حطيتي نفسك في مزنق جامد


    ثم أن التضمينات اللي في الآخر ما أضافتش للنص .. بل أنها خرجتني من الحالة ( لأن بجد القفلة كانت حلوة قوي لحد قبل ما فيروز تخش )

    سلام بقى .. كفاية عليكي غلاسة لحد كده

    ردحذف
  9. جميله و ان كانت صعبه و عايزة تركيز

    تحياتى ليكى و اجازة سعيدة

    ردحذف
  10. romantic

    وشكرا لك
    ومرحبا بزيارتك الاولى

    ....

    امرأة تقول

    الأروع مرورك ياجميلة

    ....

    محمد عبد الحي

    أنا مطلبتش منك تجامل وفي نفس الوقت متقارنيش بأليوت

    لأني ببساطة كفتي محتاجة كتير علشان تنفع تقارني بيه

    غير ان وصف الخريف اتوصف من مليون حد قبل كده هل يعني نقف عن وصفه ديه حالتي مع الخريف
    ثانيا انا مش ضد اعتراضك على اللي بكتبه بالعكس انا اول واحده كارهه اللي بكتبه ومش مقتنعة بيه

    بس اللي مخدتش بالك منه ان ديه حالة مش نص معترفه بيه وصنفته تصنيف معين

    لو قريت تحتيه هتلاقي روحانيات

    وبعدين لو فيه مشكلة في النحو اكون سعيدة توضحها مش كلام عام لو ردك نصيحة فكمله

    ومافيش غلاسة ولا حاجة مرحبا بيك في اي وقت
    وعموما هريحك مني خالص انا عامله حسابي من فترة اني اوقف المدونة زي صاحبتها لفترة كبيرة

    .....


    صحصوحة

    وانتي الاجمل
    يارب تكوني عملتي كويس في امحانتك
    ونورتيني ياجميلة

    .....

    ردحذف
  11. صعب قوي يا نهى أن الواحد يكره شغله .. لأن الكاتب الحقيقي هوة اللي بيسيب جزء منه في كل كلمة بيكتبها ، وأنا عن نفسي في عز ما كنت بأكره كل حاجة في الدنيا عمري ما كرهت شغلي لأنه في ساعات كتير إبداع الواحد بيبقى هوة سنده الحقيقي

    يمكن تكوني لاحظتي هنا أني باتكلم عن الكاتب الحقيقي .. و ده قليل اليومين دول في وسط الناس الكتييييييير اللي بتهيص . علشان كده لما بألاقي حد عنده الموهبة الحقيقية يا صديقتي بيبقى صعبان عليا ما تبقاش مية مية علشان تاكل الجو من العيانين اللي داوشنا

    عموما قفل المدونة ده شئ غريب .. زي الناس اللي بتقول "أنا هابطل كتابة" أو "أنا بأكتب لنفسي" .. من روعة التجربة الأنسانية أنها متقاطعة و لو كان شغلك قدر يحسس أنسان و احد أن في أنسان تاني حس باللي هوة حاسه و عاشه فـ ده كفاية جدا

    بالنسبة للجزء بتاع أليوت أنا الشاهد بتاعي فيه مش أن أليوت أجمد .. أنا كان الشاهد بتاعي سلاسة تعبيراته . ثم أن أيه المشكلة أننا نبقى زي أليوت أو أحسن منه .. بناكل نفس الأكل و بنشرب نفس الشرب و مافيش أي أختلاف ^_^ .. فكك مـ العفاريت ، بيقولوا فـ أمريكا :
    The worst than bad singing is to quit singing

    ردحذف
  12. محمد عبد الحي

    اممممممم معاك انه صعب بس ديه معضلة بحاول اعالجها ، بس يمكن اننا فعلا بيبقى جزء كبير منا في اللي بنكتبه فبيرجع رفضنا ليه لرفضنا بعض منا

    بالنسبة بقى لباقي ردك قبل اي حاجة انا ماضيقتش من اعتراضك ع النص بالعكس أنا متقبلاه وكلنا بنحتاج راي الاخرين لان لو كل واحد رفض ان الاخرين يعترضوا على اللي بيكتبه يبقى مافيش خطوة هتتزحزح

    بس اني اكل الجو ديه اشك فيها صعبتين على حالاتي :)

    وقفلي للمدونة مش سببه رفضي لكتابتي بس ده كوليكشن حاجات كده وهوا قرار غير واجب التنفيذ ممكن يكون وقتي وميتمش لاننا بنرجع للمدونة يمكن لانها مستحملانا عن العالم الخارجي باللي فيه

    وهفكني من العفاريت :)
    بس هيا تفك هيا كمان

    وعند القانون النهاوي
    The worst than quit singing is to pretend singing

    ردحذف