13 مارس 2008

One Last Dance


كانت مختنقة بفتور ورافضة لإضطرارها المكوث بالبيت بعد أن أُحبطت في محاولة خروج ، تعلم أنها وحدها تتخذ هوية خطاويها القادمة وتُعاند نفسها بوجود الكثير بجانبها ، ليس ذنبهم تعلم وليس خطأ أحد ، لكنها الحياة تفرض علينا طمع الاستناد ، حتى حينما أخبرتها صديقتها بموعد الفيلم لم تكن هنا ، لم تعرفه حتى من قبل .. ، لم تكن لتسمعه إلا لانجذابها لاسمه " رقصة واحدة أخيرة " ترى أكانت تخاف على نفسها من أن يغادرها آخر ما كانت تستمتع به بين سحب التأمل بالليل كما قال لها أحدهم في وقت ما ـ انتي عايشه بين السحاب ... بنت من زمن الستينات ـ أم أوجعها ارتباط الوحدانية بالأواخر دوما ، أو التميز بالمرة الواحدة ... متى تميزت الأشياء لديها لتعطيها بصمة محببة كبسمة محتضنة لروح من أحبته أو ستحبه ، كقطرة مطر بريئة قبلت المكوث فوق شفتيها ومنحتها شعور بالنشوة ، كاحتضان دافئ لوسادتها أشعرها بأنها مازالت تمتلك ما يخصها
هي فقط لم تعلم أنها على موعد مع الحواف ، ورقصة تـُبادلها مع البطلة لتوجدها في المساحة السوداء من الفراغ على مسرح النسيان ، ترقص فقط على حواف حلم لا تعلم أتودعه ؟ أم هو وجعها يمارس التنقية

لم تعلم غير أنها وحدها بحجرتها في مساحة تامة من الحرية أغلقت كل محاولات الحياة للاضاءة فقط مستمتعة بصمت كما تعودت ... بروح بطلة لا يُفرقها عنها غير ،

أنها ترقص وحدها ... لا تنتظر شيئا أو أحدا
لم تعد تنتظر
.
لم تعد تنتظر
.
غير المطر
. . . . . .



. . . . . .

هناك 7 تعليقات:

  1. طبعاً لازم نشكر صاحبتك على جهودها انها قالتلك على الفيلم شئ واجب لايمكن نسيانه
    :)
    ;)
    البوست تحفه والأغنية رائعة بجد
    لكن الخوف ان العيشة بين السحاب تلغينا احنا من الواقع

    ....
    سكر يابنات

    ردحذف
  2. انتي عايشه بين السحاب ... بنت من زمن الستينات

    هههههههههههههههههههه
    الكلمة دي اتقالتلك مرة واحدة بس ومن أحدهم ..دانا بيتهيالي ان الكلمة دي خلاص وداني خدت عليها لدرجة اني بسمعها في الحلم لو متقالتليش كل فترة..بس مش بيقولولي بنت يعني


    السؤال اللي لازم اساله بقي ليكي ولصاحبتك اللي غادة بتشكرها دي..علي انها قالتلك ع الفيلم..ها

    ايه حكاية الرقص معاكم الايام دي؟

    ردحذف
  3. الله على المشاعر .. الله على الأحاسيس .. الله على الطيران فوق السحاب .. ماتشوفلنا مكان معاك الله يكرمك

    اتمنى الزياره


    تحياتى
    المصـــــرى

    ردحذف
  4. غادة

    احم طوبعا طوبعا هي لازم تشكر صاحبتها
    وصاحبتها بردك لازم تشكرها
    على رائعة سكر يابنات - واخد بالك ـ :)

    وأنت أروع ياغديليو
    وكنا خدنا ايه من الواقع !!!!!!!
    عامة هوا الخوف لازم يكون من ان السحاب مايستحملناش هوا كمان :)

    ....
    وجاية هدية حبيبك على جنح الطير

    -----

    سيزيف

    هوا الصراحة مش مره واحده
    بالعكس حتى أمي بتقولهالي باختلاف الصيغه :)
    بس من كتر ما اتقالت اتعودت عليها فبقيت بيتهيئلي انها اتقالت مره واحده

    هيا بس هايدي الصيغه بتاعت السحاب متقلتش كتير

    وعيب تسال يافندم
    ديه الدنيا رقصة وجع

    ------

    المصري

    والله هوا كتير بس دور

    ويكرم مرورك

    تحية

    ------

    ردحذف
  5. هى دى الناس اللى الواحد يسمع كلامها

    اصل صاحبتك اللى فوووق دى مره شارت عليه بفيلم الله يسامحها بقه كان فيلم بتاع هانى سلامه ومنه شلبى
    حتى مش فاكره اسمه

    ياللا خيرها فى غيرها بقه

    ردحذف
  6. ههههههههه

    كرنوشة
    عادي كلنا نفس السيستم :)
    بنختار نسمع اللي ينكد علينا

    واحم الفيلم اسمه انت عمري

    دنا لما نزل سينما دخلتو مرتين مره اختياريا ومرة اجبارا ببلاش
    وبعدين الفيلم حلو جداصحيح كئيب لأبعد مدى
    بس موسيقاه تحفه فيلم من اللي ممكن اتغاضى عن بعض الغير مقنع فيه علشان توزيع الموسيقى
    وقدرته على الحس

    ازيك يابنت

    ردحذف
  7. ممممممممممممممم ، هبطل أقرا تعليقات الناس، بعد كده عشان أعرف أعلق براجحتي ، حاسس إني دخلت وسط بنات .. سكر، بقى ، ولا عسـل ، مش مشكلة ، طننننش خااالـــص
    بالمناسبة، كنت كتبت حاجة زمااااااااان قبل عصر التدوين عن إنتا عمري، واطمني ماشفتش فيلم الرقصة الأخيرة ده !!، ما علينـا
    الجميل قطعًأ كتابتك إنتي وغادة على مشهد الرقصـة، كأنه تحدي، بس كل واحدة منكم شايفاه بشكل تاني .
    .
    .
    حقيقي مبسوووط بيكم قوووي قوووي قوووي
    و ..... عاوزين نقرا شعـر بقى يا نهى، بعد إذنك :)
    تحيااااتي ... وقشطـة .. وجيلاتي

    ردحذف