شيكا بيكا وبوليتيكا ومقالب أنتيكا
ولا تزعل ولا تحزن اضحك برضه يا ويكا
ها ها ها ها .. ع الشيكا بيكا
أنا بضحك من قلبي يا جماعة مع إني راح مني ولاعة
وبطاقتي ف جاكته سرقوها وغلاسه كمان لهفو الشماعة
بقيت أرجف م السقعة لكن بضحك
الضحك ده مزيكا كهربا علي ميكانيكا اضحك ع الشيكا بيكا
ها ها ها ها .. ع الشيكا بيكا
أنا راح مني كمان حاجة كبيرة أكبر من إني أجيب لها سيرة
قلبي بيزغزغ روحه بروحه علشان يمسح منه التكشيرة
ادعوله ينساها بقي ويضحك
الضحك ده مزيكا كهربا علي ميكانيكا اضحك ع الشيكا بيكا
ها ها ها ها .. ع الشيكا بيكا
هتقولي الشيكا بيكا ايه هيا ؟
هي الحركات اللي مش هيا
الفرقة ، والحرقة ، والغرقة والزمبة ف البومبة الزرية
فبدال ما نطق يا وله .. لأ ، نضحك
الضحك ده مزيكا كهربا علي ميكانيكا اضحك ع الشيكا بيكا
ها ها ها ها .. ع الشيكا بيكا
..........
كلمات : صلاح جاهين - من فيلم (المتوحشه)
...
وصلتني حالتها الجنونية على الفيس :)
ردحذف.
.
حلوة أيضًا
رح الله جاهين, كان وما يعلمنا ان نستخلص الفرح والحياة والسعادة من كل ماهو قبيح ومزيف .. هذا بخصوص الأغنية
ردحذفأعتق ن المدونة ككل مميزة .. وان كانت هذه زيارتى الأولى فلن تكون الأخيرة بأذن الله
تحياتى
جاهين دة كان معجزة
ردحذفوحيفضل
اية أجمل من ان ناس متعرفهمش يتفاعلوا للدرجة دي مع كلام قلته لناس تانيين من سنين