10 مايو 2008

والله طيوب

.
( الشر لا يخلو من بعض طيبةٍ وفكاهةٍ لكنه قانون الغابة ما يمحي البريق وهذا ما كان يـُوصله سواء عن قصدٍ أو موهبة )
.
فرغم الشر الذي كان يتقنه كان قادرا على منحي شعورا بالدفء بطيبةٍ وحنانٍ ما بتركيبة عينيه وجـُمله التي رغم قسوتها ممزوجه بسخرية الألم ، والتي جعلت تلك الصغيرة في زمنٍ ما راغبة في أن تَشُدّ على يديه برفقٍ غير خائفة " إنت طيوب ، ليه بتداري ؟ " بلكنة أقرب للاستعطاف ولا تسمع ردا غير نظرة سريعة كادت تُوقع بعض شيء ولكن تُقاطعها صوت جارتنا
" المشكله مش في غلو بنزين المشكله إن ساندوتش الفول بقى بجنيه وربع "
.
فأقاطعها شاردة " إلحقونا ياطنط "
.
" ايه ؟!! "
.
" تعالي الفيلم حلو "
.
ولم أسمع بعدها غير جملته التي قالها وهو لا يعلم أن الصغيرة مازالت هنا تراقبه
.
" إنت واللي زيك إتخلقتوا علشان أنا واللي زيي نعيش "
.
أبتسم وأتبعه " صحيح ! البلد باظت .. باظت يا أدهم "

بي اس : حالة خانقه واكتئاب مستديمة من فترة ماحدش ياخد في باله بس المهم إني بحب عادل أدهم بشكل جدا

هناك 10 تعليقات:

  1. حالة كلنا عايشينها ومش عارفين حتخلص امتى

    ردحذف
  2. في صغري كنت أطلق عليه شون كونري العرب
    وكنت اشعر ببعض المبالغةفي التشبيه
    ولكني حين نضجت
    او هكذا اعتقد
    علمت كم كان التشبيه له ظالما

    ردحذف
  3. ممممممممم
    عادل ادهم
    جميل جميل
    :)
    يارب يخرجنا من الحاله ديه كلنا على خير

    تعرفي من الصبح في دماغي كلمه وجيه عزيز
    لو مقدرتش تضحك متدمعش ولا تبكيش
    وان مفضلش معاك غير قلبك اوعى تخاف مش
    هتموت لا هتعيش

    ردحذف
  4. انا بحبه

    يا "قطة":))

    بجد هو حالة غريبه ظهرت ومشيت ومش اتحست واخدت مكان تستحقه
    زى حاجات كتير وناس كتيرررر


    المهم يا نهى بقى بقى بقى

    وحشتنى بقسوووووووووة

    يعنى جدااااااااااااااااااا

    ردحذف
  5. إزيك يا نهى
    أنا بدعوك لزيارة مدونتى من جديد
    وحضرتك معزومة على حفل الإصدار طبعًا
    ((:

    ردحذف
  6. مدونتك جميله جدااااا جدااااا
    وانا بحب فعلا عادل ادهم كتير اوووووي
    وفعلا صوره عادل ادهم شدتني لمدونتك جدااا
    وهي المدونه متميرزه فعلا
    تحياتي ليكي

    ردحذف
  7. مصطفى السيد

    فرجه قريب

    .....

    أحمد سلامة

    هوا حد مميز ماخدش حقه من وجهة نظري
    مرحبا بمرورك الأول

    .....

    محض روح

    مممممم
    فعلا فعلا
    :)

    وحلوة الغنوة بحبها بس ايه الحال لو حتى قلبك مافضلش معاك ؟
    ربنا يسعدك يابنت

    ......

    سارة

    بالظبط كلامك صح

    والمهم برده بقى بقى بقى
    انك شوحاني وبافترا ياقمر :)

    ......

    محمد كمال

    الحمد الله يافندم
    وعُلم حضرتك وان شاء الله هنحضروا لو لينا عُمر
    ونورت المدونة

    ......

    نانو

    روحك جميلة على فكرة
    وانتي احلى من هنا بكتير
    ونوريني دوما

    ردحذف
  8. "عشان احميكي من الكلاااااب"

    كان عنده بعد نظر لما قال "أنت واللي زيك إتخلقتوا علشان أنا واللي زيي نعيش "، اصبح شعار كل رجال الأعمال في الحكومه حاليا!
    lol

    مدونة رقيقة جداً...

    ردحذف
  9. ?!!

    فعلا

    ومرورك أجمل
    وربنا يديمك علينا بإجابة :)

    ردحذف
  10. هاى نها
    انا كمان بحب عادل أدهم وأدواره التى لا تنسى كفنان عبقرى ومتميز, ومثلك كنتى المح طيبته وراء الشر الزائف أثناء تمثيله .. رغم ان البعض كان يشيع ان اخلاقه- رحمه الله - كانت سيئة للغاية

    تحياتى

    ردحذف